Giornale radio

Ultimo TgR

VUÊ O FEVELìN DI…


Dal 5 ai 30 di avost  Vuè o fevelìn di…in repliche aes 15.15 daspòmisdì



LUNIS 19 AVOST   Al è un studi, tra i tancj che l'aniversari de Grande Vuere al à promovût, che al à fat discuti tra i storics e i studiôs, pluitost che tra i militârs e la int, par vie che il so risultât al è plui che positîf: i muarts talians tal complès no son stâts 650mil come che si è simpri dit, ma alc di mancul 558mil. Dal sigûr simpri un disastri, un maçalizi, ma dal pont di viste storic cheste e je stade une ocasion par fâ un pas plui indevant viers la veretât storiche di dut ce che al è sucedût.

 

 MARTARS 20 AVOST   Intal volum “Il Palaç comunâl di Udin di Nicolò Lionello a Raimondo D’Aronco”, Diana Barillari e Giuseppe Bergamini a ripassin lis vicendis storichis e architetonichis dal edifici ideât di Raimondo D’Aronco e de sede comunâl antighe, la Loze dal Lionel. La storie dal gnûf palaç comunâl si instrece cun chê de “Domus comunis” ricuardade dai documents tacant dal 1261 e logade da pît dal cuel dal Cjistiel, devant dal teraplen di place Libertât. Lis bielis fotos di Paolo Brisighelli, esponudis inte Sale dal Popul, a tornin i tancj detais preseabii, e cualchi volte impussibii di razonzi, dal edifici 

 

MIERCUS 21 AVOST Dotôr puedio lâ su la spiçe di che mont? Puedio lâ in vacancis in Perù o a cjapâ la funivie dal Mont Blanc? A son domandis che i miedis de regjon si sintin fâ simpri plui dispès di int no simpri zovine e magari bielzà cun cualchi magagne. Cemût rispuindi in forme plui pussibil personalizade? Une rispueste e rive cumò de Aziende sanitarie dal Alt Friûl che, dutun cu l'ateneu di Udin, e à viert a Glemone l'ambulatori di medisine de mont. 

 

JOIBE 22 AVOST E je la prime laureade dal cors magjistrâl volût de Universitât di Udin in cont di «Gjestion dal turisim culturâl e dai events» e cumò a mire di podê meti a servizi dal sô teritori, Cormons e il dulintor, dute la sô culture par fâ cognossi il Friûl te sô completece tal mont.  E je la zovine Micol Tami Della Rovere, che te sô vore di indotorament e à sostignût il profont significât di teritori, intindût tant che un insiemi di particolaritâts storichis, culturâls, naturalistiche e gjeografichis che a fasin unic ogni prodot.

 

VINARS 23 AVOST Al à scrit svariadis musichis pal teatri, ma la sô produzion principâl e je stade la musiche par film. Al à componût lis musichis par une trentine di peliculis e al à diret la orchestre in plui di 250 lavôrs. E je la produzion di Gianfranco Plenizio, compositôrs, pianist e diretôr di orchestre che al è stât sui palcs plui innomenâts partint di San Lurinç di Sedean. La sô figure e je stade al centri di une ricercje dal ateneu di Udin, cumò publicade dal CIRF insiemi a une vore di caratar juridic.

 

 









 



Un program di atualitât, costum, culture e societât, in onde ogni dì: dal lunis al vinars,  aes  11.09 di buinore (par  dîs minûts) e daspò misdì aes 15.15.


L'appuntamento quotidiano in lingua friulana.  10 minuti  la mattina alle 11.09 per mettere a fuoco un problema, con l'aiuto degli ospiti, o per segnalare una novità; 20 minuti il pomeriggio, dalle 15.15 alle 15.35 sull'attualità culturale in Friuli.

SCOLTE E DISCJAME LIS PONTADIS

 


TI PODARÈS INTERESSÂ ANCJE


OBIETTIVO FRIULI

CASA FRIULI

ROTOCALCO INCONTRI

  • A CURA DI

    CLAUDIA BRUGNETTA

  • AL MICROFONO

    ERIKA ADAMI E NICOLA ANGELI

  • CONTATTI

    Tel: +39 0432 627669
    furlan@rai.it
    claudia.brugnetta@rai.it